منتديات عامة وترفيهية وتقنية
 
الرئيسيةمكتبة الصورس .و .جبحـثالتسجيلدخول

شاطر | 
 

 ليلة الحنة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حور العين
عضو فضى
عضو فضى
avatar

عدد الرسائل : 241
العمر : 29
sms : اللهم صلي على محمد وآل محمد وعجل فرجهم الشريف وأهلك أعدائهم
تاريخ التسجيل : 01/04/2008

مُساهمةموضوع: ليلة الحنة   الثلاثاء يوليو 29, 2008 10:50 pm











"ليلة الحنة"..
حلم كل بنت




فكرت النهادرة إنى اقول لكل البنات اللي على وش جواز على الحاجات اللي بيها ممكن إنك تعملي ليلة حنة جميلة وبسيطة بنفسك إنت وأصحابك..

عايزة تعرفي ازاي

يبقى مافيش قدامك


شوفي يا ستي انا مش بنهزر ولا حاجة.. انا بنتكلم جد وجد الجد كمان..

لأن الموضوع سهل وبسيط جدا ومش محتاج الست السودانية.. كل الحكاية محتاجة إنك تعرفي شوية الحاجات البسيطة دي اللي هنقول لك عليها واللي لو عرفتيها يبقى إن شاء الله هتعملي ليلة حنة يحكي ويتحاكى بيها الناس كلهم ومش بعيد بعد كده أي عروسة عايزة تعمل ليلة الحنة تجيبك علشان تعمليها وبكده تبقي كسبتِ وظيفة مربحة جدا جدا..

تعالي نعرف الحاجات دي مع بعض..

أولا: ألوان الحنة



شوفي يا قمر.. الحنة الأصلية لونين اتنين بس، هم حنة حمراء ودي كلنا عارفينها طبعا والحنة السوداء أو اللي بتسمى "الدايج"..

وخدي بالك إنك..

• لو كنتِ هتستخدمي الحنة الحمراء
يبقى من الأحسن إنك تشتريها من عند العطار "ورق حنة" بدلا من الأكياس اللي بتكون جاهزة علشان تتأكدي إن مافيش عليها أي إضافات ممكن إنها تكون مضرة بجلدك وتسبب لك لا قدر الله حساسية.

• لو كنتِ هتستخدمي الحنة السمراء
لو هتستخدمي الحنة السمراء فلازم تعرفي إنها بتكون يا إما على شكل بودرة في كيس يا إما بتكون قطع متماسكة.. وبيتم أخذ القليل من الماء الساخن بمعلقة صغيرة والتقليب لغاية ما يتم مزج الحنة مع المياه.

ثانيا: طرق إعداد الحنة

شوفي يا ستي طرق إعداد الحنة بتختلف باختلاف الطريقة اللي هتستخدم بيها؛ يعني مثلا لو كنتِ هتحطيها على إيدك بهدف تلوين إيدك فقط فدي ليها طريقة وإذا كنت هتستخدميها للنقش فدي ليها طريقة تانية.

وهنعرف مع بعض دلوقتي الطريقتين



الطريقة الأولى
للتلوين فقط


فيه عرايس بتحب إنها تلون كف إيدها وأظفارها بالحنة فقط من غير أي نقوش والموضوع ده كان بيستخدم زمان ولسه برضه فيه بعض الناس بتستخدم الطريقة دي لارتباطها ببعض العادات والمعتقدات عندهم.

وفي الطريقة دي بتجهز الحنة عن طريق:

1- عجن مقدار من الحنة (يكفي لتغطية اليدين والقدمين) بماء دافئ + نقطتين من زيت المحلبية وده هتلاقيه عند العطار وفي محلات العطور الزيتية+ عصير الليمون).

2- تغطي العجينة وتتركيها حتى تخمر مدة لا تقل عن ساعتين وتصل في بعض الأحيان إلى 8 ساعات.

3- توضع العجينة على اليدين والرجلين ثم تترك لمدة ساعتين أو ثلاث ساعات حتى تجف تماما.

4- بعد مرور الساعتين تغسل اليدان بالماء فقط وتجفف، وخدي بالك إنك بعد ما تغسلي إيدك ماتتعرضيش للمية تاني لمدة 5 ساعات علشان اللون يثبت.



الطريقة التانية
عمل رسومات بالحنة على الجلد

فيه عرايس تانية بتحب إنها تدلع نفسها عن طريق الرسم بالحنة على أكتر من مكان في جسمها زي مثلا منطقة "الرجل والإيدين والصدر والبطن".

وعلى فكرة فيه أكتر من طريقة ممكن إنك تستخدميها علشان تنقشي على جسمك فعندك مثلا:

أولا: طريقة عود القطن أو المحقن.. حقنة بدون إبرة

1- هتجيبي الحنة وتنخليها بشاشة نظيفة أو منخل حرير وده علشان تتأكدي إن الحنة بقت ناعمة.

2- اخلطي الحنة بالماء الدافئ مع نقطتين من زيت المحلبية وخدي بالك إن العجينة تكون لينة نوعا ما.

3- سيبي الحنة لمدة ساعتين علشان تتخمر.

4- هاتي عود القطن أو حقنة بدون إبرة واملي المحقن بعجينة الحنة عن طريق ملعقة صغيرة.

5- ادهني إيدك بنقطتين من زيت المحلبية أو بنقطتين عصير ليمون.

6- حددي الشكل اللي إنت عايزة تعمليه على إيديك أو رجلك وارسمي على الجسم مباشرة وبعد الانتهاء من الرسم يمكن رش اليدين بنقط خفيفة من الماء على شكل رذاذ وده علشان الحنة ماتلزقش على الجلد.

7- سيبي الحنة على جسمك لغاية ما تنشف وبعد كده اغسلي جسمك بالمية فقط من غير دعك ولا صابون وعلى فكرة ممكن إنك تدهني الجلد بزيت الطعام ونقط الليمون لتثبيت اللون.

ثانياً: طريقة نقش الحناء بالأنبوب الجاهز

والطريقة دي سهلة نوعا ما وده لأن فيه حنة بتتباع معبأة في أنابيب صغيرة زي أنبوب معجون الأسنان والحنة بتنزل على هيئة خطوط رفيعة.

ودي بتكون جاهزة للنقش على طول وعلى فكرة الأنبوب ده له قمع رفيع يثبت في الفوهة بعد فتحها والقمع نفسه بيتم ثقبه بإبرة للسماح بمرور الحنة الجاهزة.

بس برضه لازم تاخدي بالك من شوية الحاجات دي:

1- قبل ما تستخدمي الحنة دي اغسلي إيدك ورجلك بالماء فقط.

2- لو لاقيتِ إن الحنة مش خارجة من الأنبوبة دي يبقى ياريت تنظفي فوهة القمع الطويل بإبرة.

3- ولو قربت الأنبوبة من الانتهاء فطبقيها من أسفل إلى أعلى مثل أنبوبة معجون الأسنان وده علشان تتجنبي تعب اليد من الضغط .

4- بعد ما تخلصي عمل الرسومات المناسبة سيبي إيدك علشان تنشف وبعد كده اغسلي إيدك بالمية فقط.

6- الحنة دي بتوضع في الثلاجة دائما ولا يتم تعريضها للشمس أو الضوء الشديد علشان ده ممكن يعرضها للتلف.

ثالثا: طريقة نقش الحنة باستخدام قمع بلاستيك

1- هاتي قطعة من البلاستيك القوي زي اللي بيستخدم في فرش الدولاب مقاس 18سم × 18 سم.

2- اعملي القطعة دي على شكل قرطاس واعملي فيه ثقب رفيع من تحت.

3- باستخدام ملعقة صغيرة املي القرطاس بالحنة.

4- يتم تطبيق القرطاس من أعلى، ونلصقه بطريقة تمنع تسرب أي نقطة من أعلى وده بلصق شريط "سلوتيب" أو أي لاصق آخر عليه.

5- أمسكي القرطاس مثل القلم تماما وقومي بوضع الحنة على رجلك حيث تمر الحنة من فتحة القرطاس من أسفل دون أي تدخل منك، (أي لا تقطعي رأس القرطاس) وسوف تنزل الحنة على هيئة خطوط رفيعة يمكن عمل أشكال وزخارف على حسب الرسم اللي إنت عايزاه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حور العين
عضو فضى
عضو فضى
avatar

عدد الرسائل : 241
العمر : 29
sms : اللهم صلي على محمد وآل محمد وعجل فرجهم الشريف وأهلك أعدائهم
تاريخ التسجيل : 01/04/2008

مُساهمةموضوع: رد: ليلة الحنة   الثلاثاء يوليو 29, 2008 10:58 pm

النقش المجوز وده بيكون جامع بين نقشتين هما النقشة الخليجي مع السوداني...
خدي بالك إن العروسة بتختار النقشة السوداني اللي فيها رسومات عريضة ونقوش متداخلة لكن إخوات العروسة أو أصحابها بيختاروا النقشة البسيطة على كف الإيد فقط..


ودي شوية رسومات ممكن إنك تبصي عليها علشان تحاولي إنك تعملي زيها















الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حور العين
عضو فضى
عضو فضى
avatar

عدد الرسائل : 241
العمر : 29
sms : اللهم صلي على محمد وآل محمد وعجل فرجهم الشريف وأهلك أعدائهم
تاريخ التسجيل : 01/04/2008

مُساهمةموضوع: رد: ليلة الحنة   الثلاثاء يوليو 29, 2008 11:00 pm

السؤال التاني
ماباعرفش أرسم؟؟


السوال التاني اللي بيدور في دماغك دلوقتي هو إنك مش بتعرفي ترسمي.. يبقى ازاي هتعرفي ترسمي وتعملي الحاجات دي لنفسك؟؟

ولا يهمك برضه لأني هاقول لك دلوقي على أكتر من حل وإنت اختاري اللي يناسبك..

لو مش بتعرفي ترسمي يبقى حاولي إنك تمرني نفسك على الصور بإنك تمشي بفرشاة ألوان أو قلم رصاص على الخطوط من على الصورة اللي إنت عايزة تعمليها على إيدك.. مرة مع مرة هتلاقي نفسك بقيتِ شاطرة، بس أهم حاجة يكون عندك ثقة في نفسك وإيدك مش تتهز.

لو مش هتقدري تعملي كده يبقى ادي المهمة دي لحد تثقي في قدراته وأكيد أي عيلة فيها حد بيعرف يرسم.



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حور العين
عضو فضى
عضو فضى
avatar

عدد الرسائل : 241
العمر : 29
sms : اللهم صلي على محمد وآل محمد وعجل فرجهم الشريف وأهلك أعدائهم
تاريخ التسجيل : 01/04/2008

مُساهمةموضوع: رد: ليلة الحنة   الثلاثاء يوليو 29, 2008 11:01 pm

السؤال الثالث
معقول الكلام ده

آخر سؤال ممكن يكون بيدور في دماغك دلوقتي هو معقول إني بعد ما أعمل الحاجات دي كلها هالاقي نفس النتيجة اللي أنا عايزاها؟

آه طبعا.. ماتخافيش.. لو عملتِ نفس الخطوات اللي احنا قلنا عليها دي إن شاء الله هتوصلي لنفس النتيجة...

وعلشان أكون عملت كل اللي عليّ خدي بالك من شوية الحاجات دي..

1- لو كانت بشرتك سمراء يبقى هتلاقي إن الحنة السمراء هي المناسبة ليكِ جدا لأن نقوشها هتكون واضحة في إيدك... لكن لو كانت بشرتك بيضاء هتلاقي إن كل أنواع الحنة مناسبة ليكِ جدا وفي الحالتين هتكوني عروسة زي القمر في ليلة 14.

2- بلاش تحطي خل في عجينة الحنة أو أي مواد بترولية بحجة تثبيت اللون لأن كل الحاجات دي مضرة على الجلد ومش بتثبت اللون.

3- بعد ما تخلصي رسم من الأفضل إنك ماتغسليش مكان الحنة بالصابون لمدة 12 ساعة، ومن الأفضل إنك ماتحطيش أي نوع من أنواع الكريمات المرطبة مكان الحنة لأن الحاجات دي ممكن إنها تخلي لون النقش باهت.

4- عند نقش الحناء لازم إيدك تكون ثابتة على سطح مريح.

بس كده.. خلاص خلص كلامنا عن الحاجات اللي ممكن إنك تعمليها علشان تعملي الحنة لنفسك من غير مساعدة من حد.. يا رب تكون فعلا الحاجات دي مفيدة وتستخدميها...

استنينا المرة اللي جاية لأني هاقول لك على الطريقة اللي ممكن بيها تعملي حفلة الحنة في بيتك بأقل التكاليف الممكنة






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تابعينا
مشرفة قسم حواء
avatar

عدد الرسائل : 1465
العمر : 22
الاوسمة :
sms :


My SMS
لا فتى الا علي و لا سيف الا ذو الفقار


تاريخ التسجيل : 01/04/2008

مُساهمةموضوع: رد: ليلة الحنة   الأربعاء يوليو 30, 2008 12:54 pm


شكرا اختي على الموضوووووع الرائع

بالتوفيق

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ليلة الحنة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المختار :: مملكة حواء :: مملكة حواء-
انتقل الى: